Ish-deputetja e PD-Së, Albanan Vokshi deklaroi sot se, “kontratat sekrete për pajisjet spitalore antiCOVID janë përdorur nga qeveria si një mënyrë për të vjedhur shqiptarët dhe jo për të siguruar shëndetin e tyre”.
Në një deklaratë për mediet, Vokshi tha se, “nga 4 kontratat që mbahen të fshehta, ne kemi zbuluar vjedhje në 3 prej tyre, për testimet, për maskat e mjete të tjera mbrojtëse”, duke shtuar se kompania fituese ishte e paracaktuar nga qeveria”.
Ajo tha se “kompania fituese duhet të sillte 20 respiratorë brenda 7 ditëve dhe të tjerat më vonë. Kontrata u shkel në mënyrë flagrante duke sjellë vetëm 5 respiratorë nga 54”.
Vokshi theksoi se “prokuroria duhet të dalë nga karantina dhe të çojë para drejtësisë hajdutët që pasurohen kur shëndeti dhe puna e qytetarëve janë në rrezik”.