Komisioni i Pavarur për Koordinimin, Monitorimin dhe ndjekjen e zbatimit të ligjit për ‘Organet e Qeverisjes së sistemit të drejtësisë’ kërkoi sot seancë dëgjimore me Autoritetin e Dosjeve për rastin e prokurorit Bujar Sheshi.
Komisioni i kryesuar nga Artan Spahiu dhe anëtar Petrit Kaloçi, Saimir Vishaj, Irena Nino dhe Lindita Rusmajli vendosi t’i kërkojë shpjegime Autoritetit të Dosjeve për vonesat në shqyrtim dhye informim të rastit të prokurorit Bujar Sheshi, i cili akuzohet se ka qenë bashkëpunëtor i ish-Sigurimit të Shtetit me pseudonimin ‘Venusi’, si dhe një raport të plotë për afatet e shqyrimit dhe të kthimit të përgjigjeve të marra nga Autoriteti për verifikimin e kandidaturave për KLP-në.
Ai i kërkoi gjithashtu KLP-së mbledhjen e menjëhershme për shqyrtimin e rastit të prokurorit Sheshi.