Arrestohet i dyshuari për plagosjen e punonjësit të burgut të Peqinit.
Pritet që Policia të sqarojë rrethanet e ngjarjes së rëndë.
NJOFTIMI I POLICISË:
Më datë 28.04.2020, rreth orës 19.40, është lënduar lehtë dyshohet nga një plumb qorr, shtetasi I.P, 41 vjeç, punonjës i IEVP Peqin, i cili pas ndihmës së parë mjekësore, ndodhet në institucionin ku punon dhe po merret në pyetje nga Grupi Hetimor. Në vendngjarje kanë shkuar shërbimet e policisë ku vijon krehja e zonës dhe deri në këto momente nuk janë gjetur asnjë gëzhojë. Grupi Hetimor vijon punën nën drejtimin e Prokurorisë për zbardhjen e rrethanave të ngjarjes.
Punonjësit të burgut të Peqinit, i është dhënë ndihma e parë në spitalin e burgut, ku edhe ndodhet jashtë rrezikut për jetën. Pak minuta pas ngjarjes, Policia ka arrestuar të dyshuarin kryesor, ndërkohë që ka nisur punë për zbardhjen e shkakut të plagosjes.