Dy raste janë vlerësuar maksimalisht nga bluzat e bardha të Qendrës Shëndetësore Klos dhe ato të spitalit “Xhavit Mara” Burrel.
Një infermier nga Klosi ka mbërritur në urgjencën e spitalit bashkiak Mat me temperaturë dhe probleme të tjera shëndetësore. Fillimisht mjekët kanë dyshuar se ai mund të ishte invektuar nga Covid 19. I kanë marrë tamponin dhe e kanë dërguar për analiza në Tiranë. Pas pak orësh ka ardhur përgjigja se punonjësi i shëndetësisë rezultonte negativ. Mësohet se infermieri i shtruar me urgjencë kishte patur më herët probleme me mushkëritë.
Ndërkohë rasti i dytë është më interesant. Një banor nga fshatrat e Klosit i ka telefonuar disa herë 127-ës dhe është ankuar se është infektuar.
“Jam infektuar nga koronavirusi. Hajdeni merrni analizat”, është shprehur 58 vjeçari. Telefonata është vlerësuar nga stafi mjekësor dhe ka rezultuar se telefonuesi ka probleme të shëndetit mendor dhe se i është fiksuar së mund të jetë prekur. Megjithatë, ankuesit i është marrë tamponi dhe pritet rezultati i analizave. tirananews.al