Aktori i njohur i “Harry Potter”, Rupert Grint është bërë baba për herë të parë. Lajmin e bën të ditur revista “People” ndërkohë që çifti gjatë kësaj kohe janë treguar diskret.
Madje edhe lajmi i shtatzënisë së partneres së aktorit u zbulua nga mediat një muaj më parë.Rupert Grint, 31 vjeç dhe Georgia Groome, 28 vjeç janë bërë prindër të një vajze. Çifti nuk e ka zbuluar ende emrin që i ka vendosur vogëlushes.
Dy aktorët janë bashkë prej shumë vitesh, por lidhjen e tyre kanë preferuar ta mbajnë sa më larg syrit të publikut.
