Me pak djathë, speca të pjekur dhe ereza do të shijoni vezët më të mira të jetës suaj. E kemi fjalën për vezët e mbushura nga Aiba, të cilat do ja shtojnë lezetin tryezës. Luani duart amvisa, sepse vështirë që të rezistoni kur të njiheni me recetën.
Përbërësit
- 6 vezë
- 100 gr djathë
- 2 speca gogorzhare (të pjekur në vaj
- majdanoz
- Kripe
- piper i bardhe
- vaj ulliri
Përgatitja
1.Në një tenxhere me ujë e kripë vendosni për të zierë vezët. Në përfundim i qëroni dhe ndani të verdhën veç, pa e dëmtuar pjesën e bardhë të vezës.
2.Me ndihmën e një piruni shtypni të imët të verdhat e vezëve, në një tas. I shtoni djathin, specat,majdanozin dhe kripën. I përzieni mirë.
3.Shtoni pak piper të bardhë dhe vaj ulliri. Mbushni të bardhat e vezëve me masën që sapo përgatitët.
4.I vendosni me kujdes në një pjatë dhe çfarë prisni? Është koha për t’i shijuar!