Ka shkuar në mbi 4.1 milionë të infektuar dhe mbi 280 mijë viktima bilanci nga koronavirusi i ri që ka pushtuar botën. Ndërkohë deri më tani betejën me këtë sëmundje në të gjithë botën e kanë fituar 1 441 866.
ShBA vijon të jetë dhe vendi më i goditur nga Covid 19 ku deri më tani kanë humbur jetën 80 037 persona dhe mbi 1.34 milionë persona pozitivë. Ndërkohë presidenti amerikan Donald Trump, është shprehur se parashikoi se humbjet e jetës mund të shkojnë në mbi 100 mijë si pasojë e kësaj sëmundje.
Pas SHBA-së, për numrin më të madh të të prekurve dhe viktimave vjen Britania e Madhe, Italia, Spanja dhe Franca.
Megjithatë, situata ka filluar të përmirësohet ndjeshëm në kontinentin evropian dhe shumë vende kanë nisur të lehtësojnë masat shtrënguese të karantinës duke nisur hapjen e bizneseve dhe shkollave.