Kreu i Partisë Agrare Ambentialiste, Agron Duka, ka folur sot në lidhje me propozimin e qeverisë për kultivimin e kanabisit për qëllime mjekësore. Duka në një lidhje direkte me emisionin “Open”, u shpeh se është kundër pasi ka ndikime negative në bujqësi.
Sipas tij Shqipëria nuk është gati për legalizimin e hashashit dhe se jemi afër fushatës e mund të përdoret e gjitha për qëllime elektorale.
“Nuk plotësohen kushtet, pasi kjo do të bëhet për zgjedhjet që vijnë. Në qoftë se kjo jep një zhvillim në ekonominë shqiptare, unë jam pro. Pra në një të ardhme mund talegalizojmë, por tani vendi nuk plotëson kushtet. Duhet të jetë parlamenti i plotë, që debati të zhvillohet siç duhet. Por tani Shqipëria nuk plotëson asnjë kusht për legalizimin e kanabisit”- tha Duka.
Ai u shpreh më tej se nisma ka qenë para 7 vitesh dhe sillet tani në vëmendje, kur jemi një vit para zgjedhjeve.
“Kjo temë ka filluar para 7 viteve nga PS e po sillet sërish në vëmendje nga qeveria para zgjedhjeve dhe jam totalisht kundër. Pse Rama ishte kudnër kur u propozua ky ligj nga Kokëdhima dhe sot është kundër? Por kam dëgjuar që në Maqedoni ka pasur efekte negative në bujqësi, pasi një prej fermerëve që mbillte domate tani po mbjell kanabis”, u shpreh Duka.