Kreu i Partisë Demokratike Lulzim Basha është takuar me aleatët e djathtë, e sipas asaj që bëri të ditur kryetarja e LSI-së po përgatitet një platformë për rifuqizimin e ekonomisë.
Kryemadhi tha se situata është alarmante dhe ekonomia shkatërruese. Ajo tha se kanë nisur takimet me njerëzit, siç dhe ka bërë të ditur më herët Basha.
“Uria për tu takuar me atë strukturë që i jep zgjihje kësaj situate alarmante është e madhe. njerëzit presin, kërkojnë mënyrën e kontaktit për të qarë hallet, sepse sot çdo shqiptar i thjeshtë është në ditën e tij më të zezë ekonomike”, tha Kryemadhi. Ndërkaq legalizimin e kanabisit ajo e ka quajtur skandal të radhës.
Aksioni opozitar do të shtrihet në takime të përditshme në të gjithë Shqipërinë. “Edi Rama nuk mendon për shqiptarët, por për karrigen e tij. Ai i dërrmoi të varfërit dhe shkatërroi shtresën e mesme. Është përgjegjësia jonë të jemi pranë tyre.” – është shprehur Basha në mbledhjen me aleatët.
