Kreu i PD-së, Lulzim Basha, ka zhvilluar sot takime me biznesmenë në Durrës, ku ka biseduar për situatën në të cilën këta të fundit ndodhen, si pasojë e krizës së shkaktuar nga pandemia e koronavirusit.
Me një shënim në facebook, Basha shkruan se Durrësi vuan ende pasojat e tërmetit dhe se kjo pandemia vetëm sa ka thelluar edhe më tek krizën ekonomike.
695932d3-40a9-4945-94b2-dbf9dac2d713
Basha ka bërë edhe njëherë përgjegjëse qeverinë për krizën e shkaktuar, ndërsa tha se shumë durrësakë ata që nuk kanë marrë rrogën e premtuar.
“Qeveria Rama e keqmenaxhoi situatën e pandemisë në kurriz të shqiptarëve, duke favorizuar 10 oligarkët, klientë të saj. Në Durrësin e goditur rëndë nga tërmeti dhe pandemia, Ramavirusi po i zhyt qytetarët në varfëri dhe biznesin drejt falimentimit“, shkruan mes të tjerash Basha.
Postimi i plotë:
Në Durrësin që vuan ende pasojat e tërmetit të nëntorit, pandemia vetëm se e ka thelluar më shumë krizën ekonomike. Në rrugë dhe dyqane, qytetarët që takova më shprehën shqetësimin për mungesën e plotë të ndihmës nga qeveria Rama.
Janë të shumtë dhe në Durrës ata që nuk kanë marrë rrogën e premtuar nga qeveria. Ndërkohë që rihapja e bizneseve me fasha orare të reduktuara veç uljes së xhiros shoqërohet dhe me faturat e larta të energjisë elektrike, tatimeve dhe taksave vendore. Përditë e më zi shohin durrsakët ndërsa sezoni turistik i këtij viti pritet të jetë i vështirë dhe me humbje të pallogaritshme për turizmin e qytetit. Familje të tëra që do të kenë më pak të ardhura për shtëpitë e tyre pasi një nga burimet kryesore do shterrojë.
Qeveria Rama e keqmenaxhoi situatën e pandemisë në kurriz të shqiptarëve, duke favorizuar 10 oligarkët, klientë të saj. Në Durrësin e goditur rëndë nga tërmeti dhe pandemia, Ramavirusi po i zhyt qytetarët në varfëri dhe biznesin drejt falimentimit.