Kastro Zizo, para pak ditësh është bërë baba për herë të tretë.
Djali i tij i vogël apo siç Kastro e quan princi i tij, quhet Dante.
Këngëtari i njohur e ka shijuar më së shumti karantinën, pasi është gjatë gjithë kohës me djalin e tij dhe po shijon momentet e para me të.
Kastro Zizo ka postuar një fotografi në Instagram, ku shfaqet i rrethuar me shumë dashuri.
Ai po qëndron pranë djalit të tij, i cili mesa duket po fle, por edhe pranë qenushit të tij Bubi.
“Aromë dashurie” ka shkruar Kastro, të cilin nuk e kishim parë ndonjëherë më të lumtur se kaq.
Në momentin kur erdhi në jetë Dante, Kastro ka falenderuar publikisht edhe partneren e tij, Sarën, për bekimin e madh që i dha në jetë.
Këngëtari gjatë kësaj kohe ka preferuar që imazhin e partneres së tij të mos e bëjë publik dhe dihen shumë pak detaje për vajzën që i ka rrëmbyer zemrën.
Kastro ka edhe një djalë tjetër 14-vjeçar që quhet Dankan, si dhe një vajzë të vogël që jeton në Prishtinë me të ëmën.