Kryetarja e LSI, Monika Kryemadhi është ulur në tokë duke bllokuar rrugën mbi parkun “Rinia” dhe ka deklaruar se nuk do të largohet nga aty. Në një gjendje të vështirë për shkak të lodhjes, siç e tha dhe ajo vetë 48 orë pa gjumë dhe pa ngrënë Kryemadhi ka debatuar me disa gazetarë. Ajo tha se nuk i njeh ligjet e kryeministrit Edi Rama.
“Unë nuk i njoh ligjet e Edi Ramës. Është territori i Shqipërisë jo i Serbisë. Vetëm një serb mund të prishë teatrin Kombëtar. Më gjeni një godinë që mban mbi shpatulla historinë e Shqipërisë. Erdha unë më shpejt do vijnë të tjerët pas meje”, tha Kryemadhi.
Më pas një qytetar që është vetëidentifikuar si Petro Luarasi, djali i Skënder Luarasit (arsimtar, përkthyes, dramaturg, publicist, studiues, vullnetar në Luftën e Spanjës etj) është afruar dhe i ka kërkuar Kryemadhit të mos amnistohen ata që shembën Teatrin ndërsa shprehu zhgënjim nga klasa politike.
“Do e mbrojmë dinjitetin e këtij vendi përballë këtyre horrave. Ju duhet të na thoni që nuk do amnistohen”, tha ai.
Ndërsa Kryemadhi që nuk ka kursyer asgjë sot tha se do ‘t’ia hajë veshin Edi Ramës’ dhe se pranon të kryqëzohet apo varet për të gjitha mëkatet e politikanëve që nga Ramiz Alia.
“Edhe unë jam e zhgënjyer nga politika. Jam e zhgënjyer nga kolegët e mi, nga bashkëluftëtarët mi. Kjo histori nuk ka të bëjë me zhgënjim politik. Kush është i zhgënjyer le të vijë të bllokojë rrugën dhe të mos iu bindet ligjeve të Edi Ramës.
Më varni tek sheshi Skënderbe për mëkatet e të jgithëve. Më kryqëzoni si Jezu Krishtin për të gjitha haqet e njerëzve”.