Një 48-vjeçar shqiptar ka humbur jetën në mënyrë tragjike në Itali. Ai ka rënë nga skela, nga një lartësi 18m, duke gjetur vdekjen e menjëhershme.
Ngjarja e rëndë u regjistrua në Scandicci, gjatë rikonstruksionit të një banese. Menjëherë në vendngjarje erdhi policia dhe ndihma e shpejtë. Sipas të dhënave të policisë, shqiptari punonte për një firmë ndërtimi me zyra në Milano.
Pas ngjarjes ka reaguar kryetari i Bashkisë në Scandicci, Sandro Fallani, i cili u shpreh se kjo ishte një ditë e trishtë për qytetin.
“Jemi thellësisht të prekur, jo vetëm unë por edhe komuniteti. Jemi të mërzitur dhe të hidhëruar sesi njerëzit humbin jetën në punë akoma”, u shpreh ai.