Një tjetër aksident fatal ka ndodhur sot pasdite në Durrës. Sipas informacioneve paraprake, një furgon, ka aksidentuar një fëmijë 8-vjeçar, dhe për pasojë ky i fundit ka ndërruar jetë.
Mësohet se policia ka arrestuar drejtuesin e furgonit të identifikuar si Q.N., 66 vjeç.
Njoftimi i Policisë:
Specialistët e Qarkullimit Rrugor në Drejtorinë Vendore të Policisë Durrës, arrestuan në flagrancë shtetasin shtetasin Q.N.,66 vjeç, banues në Sukth.
Ky shtetas më datë 25.05.2020, rreth orës 16:05, në fshatin Jubë, Durrës, duke drejtuar mjetin fugon, ka aksidentuar një fëmijë, shtetasin G.G., 8 vjeç, i cili po lëvizte me biçikletë, e për pasojë fëmija ka ndërruar jetë.
Materialet i kaluan Prokurorisë së Rrethit Gjyqësor Durrës për veprën penale “Shkelja e rregullave të qarkullimit rrugor.