Gjykata e Barcelonës ka rihapur hetimin në lidhje me transplantin e mëlçisë së Eric Abidal-it. Sipas prokurorit të çështjes ka dyshime se ka pasur parregullsi që duhet të rishikohen dhe që kanë të bëjnë me donatorin e organit që ka ardhur nga një kushëri i francezit që për momentin është drejtor i futbollit në Barcelonë.
Prokuroria dhe Avokati i Shtetit e kishin apeluar vendimin fillestar të këtij rasti në gjykatë, pa marrë provat mjekësore nga i afërmi i Abidalit. Raporti që është i korrikut të vitit 2018 akuzon ish presidentin e Barcelonës Sandro Rosell që ka blerë në treg të zi mëlçinë e Abidal në vitin 2012, por në atë kohë gjykata e kishte mbyllur hetimin.