Vetëm disa ditë më parë, futbollisti kosovar Eros Grezda konfirmoi lidhjen me modelen shqiptare, Oriola Marashi.
Tashmë, dyshja ka vendosur të mos fshihet më nga sytë e publikut, madje Eros ka treguar se e kaluan së bashku karantinën.
Modelja po qëndron në shtëpinë e futbollistit në Kroaci dhe në llogaritë e tyre në Instagram nuk kanë munguar postimet e shumta nga shtëpia.
Oriola gatuan për Erosin dhe mbrëmjeve shohin filma në Netflix, të cilët i ndajnë me ndjekësit e tyre në Instagram.
Mirëpo, videoja e fundit e modeles në InstaStory ka tërhequr vëmendjen e ndjekësve.
Oriola shfaqet me një thikë të madhe në dorë, teksa ecën në oborrin e shtëpisë së Erosit.
“Menduat se do vrisja të dashurin?”- shkruan ajo krahas videos ku në fakt shkon në breshërin e mbledhur në një karrige dhe e copëton me thikë.