Një regjistrim audio i zbuluar rishtazi përmend guvernatorin e Lipetsk të Rusisë, Igor Artamonov, duke u kërkuar vartësve të tij të ndryshojnë të dhënat e rajonit për shpërthimin e koronavirusit.
Një deputet nga Këshilli Rajonal i Lipetsk, Oleg Khomutinnikov, publikoi regjistrimin audio në “Telegram”, duke pretenduar se bëhet fjalë për guvernatorin rajonal dhe zëvendësin e tij, Alexander Ilyin, “duke diskutuar shifrat për koronavirusin”. Sidoqoftë, është e pamundur të tregohet se për çfarë të dhënash flitet në regjistrimin audio.
Në një intervistë me “MBKh Media” dhe “Znak.com”, Artamonov konfirmoi që audio është autentike dhe se është zëri i tij që mund të dëgjohet në regjistrim. Sipas guvernatorit, diskutimi kishte të bënte me testet e koronavirusit për person.
“Thelbi i audios qëndron në faktin se është kërkuar të bëhen ndryshime në figurën aktuale, jo nga figura aktuale. Biseda nuk kishte të bënte me pacientët me koronavirus, por për testet. Qendra e Informacionit Koronavirus kishte numrin 70, por në të vërtetë ne kemi 100. Biseda ishte se pse duhet të vuajmë dhe të përfundojmë si një rajon i keq, kur kemi bërë 100 dhe jo 70 teste”, -tha Artamonov për “MBKh Media”.
Në bisedën me “Znak.com”, guvernatori tha se kjo ishte një ngjarje rutinë: “Kjo është situata tipike e punës. Ne thjesht kemi shumë njerëz të këqij, të cilëve nuk u pëlqen ajo që po ndodh në rajon dhe po organizojnë histori të rreme. Por kjo është situata e zakonshme, ka shumë prej tyre”.