Britania e Madhe ka mbyllur ambasadën e saj në kryeqytetin e Koresë së Veriut, Pheniani, duke urdhëruar stafin që të largohen nga vendi. Mediat ndërkombëtare shkruajnë se kjo ka ardhur si pasojë e koronavirusit pasi stafi i ambasadës është shprehur se e kishte të pamundur funksionimin e saj atje.
Për shkak të pandemisë së koronavirusit një numër diplomatësh dhe banorë të huaj u evakuuan nga kryeqyteti i Koresë së Veriut që nga muaji mars, ndërkohë ditën e djeshme janë larguar dhe disa zyrtarë të ambasadës përmes kufirit të Kinës.
Ndërkaq qindra banorë të huaj kanë mbetur në Pyongyang, përfshirë diplomatë nga ambasada suedeze dhe ruse, dhe një numër i vogël i punëtorëve të përfaqësuar nga Gjermania, Zvicra, Franca dhe Italia.