Fillon procedura parlamentare: Ndryshimet në ligj u japin mundësi shqiptarëve të bëjnë referendum për vendimmarrje madhore

Deputetja opozitare Rudina Hajdari ka depozituar në Kuvend një projekt-ligj në lidhje me referendumet. Projekt-ligji mban datën 26 maj 2020 dhe i drejtohet kryetarit të Kuvendit Gramoz Ruçi. “Bazuar në nenin 81, pika 1 të Kushtetutes, dhe në nenin 68 të Rregullores së Kuvendit, në cilësinë e deputetit te Grupit Parlamentar “Demokrat”, Ju depozitoj për shqyrtim dhe miratim ne Kuvend nismën ligjore: “Për Referendumet” – shkruhet në projekt-ligj. Sipas Hajdarit, një ligj i tillë do t’i japë më shumë mundësi shqiptarëve për vendimmarrje madhore, duke përmendur këtu edhe Teatrin Kombëtar, që sipas Hajdarit do të ishte në këmbë nëqoftëse do të hidhej në referendum.