Inida Gjata, e njohur ndryshe si Zhaku ka deklaruar se do të krijojë një parti të re, Partinë për Zhvillim Kombëtar. E ftuar sonte nga Adi Krasta në emision, Zhaku u shpreh se plani i saj është krijimi i një partie të re.
Në fakt, Zhaku duket se e ka marrë seriozisht krijimin e një force të re politike pasi edhe në Facebook ka nisur mbledhjen e firmave.
Së fundmi Zhaku doli edhe kundër shembjes së Teatrit Kombëtar. Në reagimet e saj ajo nuk ka kursyer fyerjet ndaj qeverisë. Madje ajo reagoi ashpër edhe ndaj Mustafa Nanos, pasi ky i fundit u shpreh se godina e teatrit nuk kishte vlera.