Tre burra të akuzuar për rritjen e kanabisit me vlerën e rreth 1 mln paund në Teesside do të dalin në gjyq më vonë këtë vit. Seancat ndaj Marigel Balla, 25 vjeç, Laert Duzha, 31 vjeç, dhe Edi Miraka, 31 vjeç, janë vonuar dy herë për shkak të krizës së covid-19.
Prokurori Ian West i kërkoi gjykatës të kërkonte “një tjetër datë gjykimi”.
Ai tha: “Kjo është renditur për gjykim dy herë, më 24 mars dhe përsëri sot, dhe në pamundësi për të vazhduar për shkak të pandemisë së koronavirusit”.
Të tre burrat nuk janë deklaruar fajtorë për posedimin e kanabisit, një drogë e klasifikuar në Britani si e Klasit B, me qëllim furnizimi, në 26 shtator të vitit të kaluar. Kjo lidhej me “kanabisin e tharë të korrur të gjetur në adresën ku u arrestuan të tre burrat”, tha prokurori Ian West.
Të tre burrat kanë mohuar gjithashtu një akuzë për pastrim parash – posedim të pasurisë kriminale, para të gjetura në të njëjtën pronë në të njëjtën datë. Duzha dhe Miraka mohuan akuzën për të prodhuar kanabis midis 1 janarit dhe 27 shtatorit të vitit të kaluar, ndërsa Balla e pranoi atë.
ë tre u ndihmuan nga një përkthyes shqiptar ndërsa u shfaqën përmes lidhjes video të burgut në Teesside Crown Court të martën. Teksa ka deklaruar dy herë se është i pafajshëm, Miraka tha: Unë jam vetëm fajtor për faktin që jam gjetur në atë shtëpi.
“Çështjet që kanë të bëjnë me drogën nuk jam fajtor. Unë u gjet atje … Përndryshe nuk jam fajtor. Unë mund ta verifikoj atë, vetëm dy ditë kam qëndruar në atë shtëpi.” Gjykatësi Stephen Ashurst i mbajti paraburgimin të tre burrat, të gjithë pa adresë fikse, deri në një proces gjyqësor dy-ditor i cili do të fillojë më 14 tetor.
Ai tha: “Gjyqi i këtyre tre të pandehurve tani do të zhvillohet më 14 tetor. Secili prej jush duhet të mbetet në paraburgim deri atëherë.
Po bëhen përpjekje për hapjen e gjykatave sa më shpejt që të jetë e mundur, por në terma praktikë shumë gjyqe janë vonuar. Për fat të keq çështjet tuaja janë të njëjta me shumicën e të tjerëve.”
Një seancë dëgjimore e mëtejshme për çështjen e Duzhës do të mbahet më 19 qershor.
Përveç sasisë së drogë, policia gjeti edhe dy automjete dhe 10,000 paund në shtator të vitit të kaluar.
Burrat u akuzuan pas bastisjeve të policisë që zbuluan drogë me vlerë gati 1 milion,, dy automjete dhe 10,000 para të gatshme në shtator të vitit të kaluar.