“Rrufe në qiell të hapur” te Vllaznia. Klubi shkodran nuk do të drejtohet nga tekniku maqedonas Mirsad Jonuz.
“Panorama Sport” mëson se trajneri pasi ka pritur nga klubi të shlyhet, nuk ka duruar dhe është larguar përfundimisht.
Që në numrin e sotëm, gazeta paralajmëroi se Jonuz pas ndeshjes në Vlorë kishte lajmëruar drejtuesit se do të largohej në Maqedoni, duke pritur zgjidhjen e situatës në orët e fundit. Ai u kishte thënë pjestarëve të stafit se do të udhëtonte drejt Kumanovës, aty ku ka edhe biznesin e tij, e më pas do të kthehej të premten.
Por, një gjë e tillë nuk ka ndodhur dhe tashmë situata në Shkodër është kritike, paçka se nga ana e bashkisë është dhënë garanci financiare./Panoramasport.al