Presidenti Ilir Meta ka përshëndetur gjithashtu arritjen e një marrëveshjeje për Reformanë Zgjedhore. Me anë të një reagimi përmes zyrës së tij të shtypit, Meta ka përgëzuar konsensusin, por nuk ka nguruar që të shprehë edhe shqetësimin e tij.
Kreu i shtetit shkruan se marrëveshja është një lajm i mirë sa i përket konsensusit mes palëve por nuk garanton zgjedhje të lira.
“Ky është një lajm pozitiv, por jo i mjaftueshëm për të garantuar zgjedhje të lira e të ndershme. Kultura e konsensusit duhet të vazhdojë edhe për kushtet e tjera për të përshpejtuar çeljen e negociatave. Falenderime edhe partnerëve tanë europianë për durimin e tyre! Falenderim të veçantë edhe për SHBA dhe Britaninë e Madhe që mbështesin të ardhmen europiane të Shqipërisë!,“-shkruan Meta.