Institucioni Ujësjellës Kanalizime në Tiranë ka lajmëruar dy ditë më parë se nga e shtuna, do të fillojnë punimet për lidhjen e tubacionit të ri 10 km i cili do të shtojë sasinë e ujit në Bovillë.
Mirëpo, për këtë arsye konsumatorët do të duhet të qëndrojnë dy ditë pa ujë!
Ndërkohë që Ministria e Shëndetësisë i bën thirrje qytetarëve të ruajnë higjenën, UKT vendos të bëjë punime në periudhën më të papërshtatshme.
Në një komunikim me “gazetareforma.com”, zëdhënësja e UKT u shpreh se kufizimi në furnizimin me ujë do të vijojë në institucionet më të rëndësishme siç janë spitalet, burgjet e maternitetet. Ndërsa për ndërprerjet e së enjtes mbrëma dhe të premtes, ajo u shpreh se do duhej të kryheshin verifikime në terren pasi nuk ka pasur njoftim për kufizime.
Njoftimi i UKT:
“Ju kujtojmë se ditën e shtunë fillojnë punimet për lidhjen e tubacionit të ri 10 km, i cili do shtojë sasinë e në Bovillë. Rriten ndjeshëm oraret e furnizimit
Kërkojmë mirëkuptimin e banorëve për kufizimet gjatë kësaj fundjave dhe marrjen e masave për të mirë-administruar depozitat personale apo të godinës ku banojnë”.
Të shumtë kanë qenë edhe komentuesit që kanë drejtuar pyetje se në cilat zona do të ketë ndërprerje totale të ujit dhe përgjigjja e UKT është se ndërprerja do të ndodhë në të gjithë Tiranën.