Këshilltarët e Lëvizjes Socialiste për Integrim, kanë votuar pro në mbledhjen e Këshillit Bashkiak të Tiranës për ndihmën ekonomike. Ndërkohë që këshilltarët e PD, kanë zgjedhur të mos marrin pjesë në këtë mbledhje.
Këshilltari i LSI, Eltion Halimi, tha se: “qëndrimi ynë politik është në favor të qytetarëve, prandaj jemi të pranishëm në mbledhje”.
Gjithashtu, LSI kërkon që nxënësit me 10 që nuk janë të regjistruar si banorë të kryeqytetit, të marrin bursa nga Bashkia. Këshilltari i LSI, shprehu kundërshtimin për vendosjen e koncesionit shtesë për parkingjet në kryeqytet.
Këshilltarët e Partisë Demokratike në Këshillin Bashkiak të Tiranës deklaruan gjatë ditës së djeshme dhe ditës së sotme se nuk do bëheshin pjesë e mbledhjes së sotme. Por duket se ky ishte një vendim i njëanshëm dhe jo i gjithë opozitës. Kjo pasi këshilltarët e Lëvizjes Socialiste për Integrim u bën pjesë e mbledhjes së sotme të Këshillit Bashkiak.