Shifrat e pandemisë tashmë janë drejt rrumbullakosjes. Prej koronavirusit regjistrohen rreth 7 milionë të prekur në të gjithë botën.
Sipas “Worldometer”, numri i viktimave të Covid-19 i ka kaluar 400 mijë. Ndërsa të shëruarit janë mbi 3.4 milionë.
Vendi me bilancin më të rëndë prej pandemisë është SHBA-ja, me rreth 2 milionë të infektuar dhe mbi 111 mijë viktima.
Brazili është shndërruar në pak ditë në vendin e dytë më të prekur nga koronavirusi, me rreth 660 mijë të prekur dhe mbi 35 mijë viktima. Po ashtu edhe Rusia është shndërruar në pak kohë në vendin e tretë me më shumë të infektuar në botë, me rreth 460 mijë.
Ndërsa për viktimat, Britania renditet e dyta në botë, me mbi 40 mijë, por mendohet që numri të jetë më i madh, për shkak të mos llogaritjes së shumë vdekjeve jashtë spitaleve.
Në vendin e tretë për viktimat renditet Brazili dhe e katërta Italia me mbi 33 mijë viktima.
Listës së zezë i është shtuar India, që ka kaluar Italinë për numrin e të infektuarve, me mbi 246 mijë të prekur, duke regjistruar mbi 10 mijë në ditë.