Fëmijët e prekur nga koronavirusi, që kanë pasur dhe inflamacionin e rrezikshëm të ngjashëm me sindromën Kawasaki, po vuajnë nga një sëmundje e re. Ky është rezultati i një studimi të fundit.
Të paktën 100 fëmijë në SHBA kanë pasur simptoma inflamatore potencialisht të rrezikshme për jetën pas testimit pozitiv për koronavirus. Numra të ngjashëm ka pasur edhe në Mbretërinë e Bashkuar dhe gjetkë në Europë.
Simptomat ishin të ngjashme me sindromën Kawasaki, një sëmundje që prek 9-20 fëmijë për 100 mijë, në SHBA, nën 5 vjeç.
Mjekët janë përpjekur të zbulojnë lidhjen midis këtyre simptomave dhe koronavirusit, por përpjekja e fundit, nga “Imperial College” në Londër, sugjeron që ajo që po ndodh me fëmijët me COVID-19 shkaktohet nga sindroma Kawasaki.
Konkretisht, ata zbuluan se fëmijët me koronavirus kanë tendencë të jenë më të mëdhenj në moshë se ata që zhvillojnë sindromën Kawasaki, dhe ka më shumë të ngjarë të kenë probleme të zemrës dhe enëve të gjakut që mund të jenë veçanërisht të rrezikshme për jetën.
Rezultatet e studimit sugjerojnë se gjendja e re mund mos të lidhet vetëm me koronavirusin, por të shkaktohet prej saj.