Operacioni Forca e Ligjit bëri të ditur sot se ka kërkuar deklarimin e pasurisë brenda 48 orëve për Aleksandër Llanaj, i dënuar për vrasje kundër dy ose më shumë personave.
Bëhet fjalë për atë që u quajt Masakra e Çoles në prill të vitit 2015, ku pas një konflikti në kazino mbetën të vrarë Albi Limaj, Haki Rakipi dhe Ardi Velaj.
Pas ngjarjes, policia arrestoi si autorë të masakrës Aleksandër Llanaj, Ani Begaj dhe Bertil Aliaj.
Gjatë seancave të gjata, u dënua me burgim të përjetshëm Aleksandër Llanaj, ndërsa Ani Begaj dhe Bertil Aliaj u dënuan me nga 35 vjet burg në mungesë. Familjarët e viktimave kanë lëshuar sa herë akuza për padrejtësi në gjykim.