“Cilësia është kryesore, data për mua do të ishte dje”.
Kështu ka deklaruar kreu i shtetit, Ilir Meta, pyetur lidhur me propozimin e bërë një ditë më parë nga kreu i grupit parlamentar të PS-së Taulant Balla, për të mbajtur zgjedhjet e ardhshme parlamentare më 9 maj.
PËRGJIGJJA E METËS
“Mendoj që mbledhja e sotme e këshillit të Integrimit ishte mjaft e rëndësishme për të kuptuar detyrat që na presin e duhet ti përmbushim, theksoj edhe një herë metodologjia e re e zgjerimit siç ofron avantazhe për të gjithë vendet që u qëndrojnë detyrimeve, mund të sjellë edhe kthim pas të procesit dhe në këtë drejtim dua të vlerësoj edhe dakordësimin e fundit të Këshillit Politik për reformën, jo si një marrëveshje që zgjidhi gjithçka por si një hap i mjaftueshëm për të ecur në rrugën e dakordësimit për të realizuar zgjedhje të reja, siç e kërkojnë edhe kushtet e BE që janë shumë të qarta në këtë drejtim. Cilësia është kryesore, po te ishte për mua…data për mua do të ishte dje, në kuptimin e rëndësisë së legjitimitetit të plotë të institucionieve, por mbetet ende shumë punë përpara për të treguar përgjëgjshmëri me këtë proces që po monitorohet shumë ngushtë”.