Puna e tij ishte tepër e mërzitshme, kështu që nëpunësi vendosi të padisë kompaninë, një zinxhir parfumesh. Ngjarja ndodhi në Francë, ku ish-nëpunësi, parisieni Frederic Desnard, fitoi duelin në gjykatë dhe përfitoi 40 mijë euro dëmshpërblim.
Desnard zhvilloi atë që quhet “boreout”, e kundërta e “burnout” (stresi i madh prej punës).
Burri tregoi se pasi humbi një klient të rëndësishëm, punëdhënësit i jepnin detyra monotone dhe jo që t’i përshtateshin profilit të tij si menaxher, aq sa e çuan depresionit dhe e detyruan të linte punën.
Avokatët e tij pretenduan se mërzitja madje bëri që ai të kishte një atak epileptik gjatë drejtimit të makinës. Siç raportohet nga media lokale dhe ndërkombëtare, burri tha se detyrat që iu besuan, përfshirë konfigurimin e tabletave të CEO-s dhe shoqërimin e klientëve në shtëpinë e shefit të tij, e bëri atë të ndjehej i “shkatërruar, plot turp dhe depresion” .
Gjykata vendosi që ekzistonte një lidhje e qartë midis përkeqësimit të shëndetit dhe kushteve të punës. Është rasti i parë në të cilin një viktimë e “boreout” fiton një rast, megjithëse, sipas “The Telegraph”, në Francë të paktën një e treta e punëtorëve vuajnë nga kjo sindromë.