Megjithëse çdo ditë autoritetet bëjnë thirrje për të respektuar distancimin fizik për të mos përhapur koronavirusin, tek shkolla “Kosova” mësuesit kanë shkelur rregullat.
Mësohet se ata janë thirrur nga Ministria për t’u bërë të ditur, nëse do të bëhen ose jo, pjesë e mbikqyrjes së provimit shtetëror të maturës. Por në kushtet kur ditët e fundit rritja e të infektuarve ka vijuar në shifra rekord, kjo pamje nuk është aspak ajo që duhet të jetë në funksion të ruajtjes së shëndetit të mësuesve.
Siç shihet nga fotot, mësuesit janë të gjithë bashkë në një hapësirë oborri shkolle, pranë e pranë duke rritur shanset e rrezikut të infektimit. Dje zyrtarisht ishin 42 raste të konfirmuara me të infektuar të rinj, ndërsa sot 44.
