Gazetari Artan Hoxha nuk përmendi emra, por tha se dikur doli në media deklarimi i pasurisë së një kryetari Bashkie, për të cilin prokuroria nisi hetim zyrtar.
Sipas Hoxhës, ai e ka marrë në telefon dhe i ka thënë: Si i bëhet? Hoxha tha se ka inspektorë që në vend të kontrollojnë dhe verifikojnë pasuritë e deklaruara, ua plotësojnë vetë.
“Në media doli deklarata e pasurisë e një kryetari Bashkie, prokuroria nisi hetim dhe u vu në siklet mori në telefon më tha si i bëhet? Ngaqë e njihja me para e dija se deklarimet e pasurisë ia plotësonte inspektori i ILDKPI, ia plotësonte vetë ai që duhet ta kontrollonte. Kur i ndodhi problemi, i thashë kujt ja ke dhënë, më tha emrin e personit dhe i thashë kërkoja ta rregullojë prapë atij.”-tha Hoxha në Opinion.