Partia gjermane e krahut të djathtë, Alternativa për Gjermaninë (AfD) i bëri sot thirrje mbikëqyrësit të sigurisë evropiane për vendosjen e vëzhguesve për të siguruar një garë të drejtë para dhe gjatë zgjedhjeve të përgjithshme të shtatorit.
Sipas letrës së Joerg Meuthen dhe Frauke Petry, drejtuar Organizatës për Siguri dhe Bashkëpunim në Evropë (OSBE) partia Alternativa për Gjermaninë (AfD) u kërkon vëzhguesve të OSBE-së të vendosen në Gjermani për të “monitoruar zgjedhjet federale dhe veçanërisht fushatën zgjedhore”.
Për herë të parë, OSBE-ja dërgoi vëzhgues në Gjermani gjatë zgjedhjeve të 2009-ës.
Së fundmi, organizata ka monitoruar referendumin në Turqi dhe dërguar më parë vëzhgues në zgjedhjet e vendeve të si Rusia, Bjellorusia dhe Ukraina.
Delegacioni i OSBE-së arriti në përfundimin se fushata turke për reformën kushtetuese e caktuar për t’i dhënë Presidentit Rexhep Tajip Erdogan kompetenca më të mëdha u konsiderua si e padrejtë.