I ftuar në “360gradë”, në RTV Ora, deputeti Kujtim Gjuzi tha se në datë 3 qershor i ka ardhur një mesazh ofrimi parash dhe një tjetër kërcënues.
Gjuzi theksoi se: “Në telefoni tim me datë 3 qershor më ka ardhur mesazhi për para dhe mesazhi kërcënues. Është dikush që unë e quaj “baca”. Unë ndërroja mesazhe me të, por kam një vit që nuk ndërroj më mesazhe, se erdhi në orët e vona të natës, në orës 3 të natës. Nuk mund të kërcënosh Kujtim Gjuzin. Nëse do t’i dish xhepat, nuk kam pse të mos i tregoj. Nëse do të shohësh gjak në këtë vend… unë nuk mbaj armë pa leje.”