Ish kreu i bashkisë së Hasit, Adem Lala merret në hetim nga SPAK, pas dyshimeve për shpërdorim detyre.
Mësohet se SPAK e ka thirrur Lalën më 18 qershor për të dhënë deklarime lidhur me privatizimin e një ndërtese në Has, një procedurë që më pas është anuluar.
Hetimet nisën fillimisht nga prokuroria e Kukësit dhe më pas u transferuan në SPAK ku çështja është marrë në dorë nga prokurorja Enkeleda Millonai.
Adem Lala bëhet kështu zyrtari i parë nga të zgjedhurit vendorë që merret si i pandehur që nga krijimi i SPAK. Ai fitoi drejtimin e bashkisë së Hasit në zgjedhjet e 21 qershorit 2015 ku kandidoi në siglën PS-LSI.