Ministrja e Financave, Anila Denaj ka folur për pasojat e koronavirusit në ekonominë e vendit tonë. E ftuar në emisionin “Open”, Denaj ka treguar me shifra se sa persona janë larguar nga puna për shkak të pandemisë.
Në fjalën e saj, ajo u shpreh se gjatë periudhës së pandemisë, ishin larguar nga puna më shumë se 136 mijë punonjës.
“Gjatë periudhës së pandemisë janë larguar nga puna 136 mijë e 147 punonjës. Po ashtu kemi 109 mijë të punësuar. Efekti neto në papunësi është -27 mijë. Ne kemi dhënë pagën e luftë për 65 mijë punonjës të biznesit të vogël dhe për 100 mijë punonjës kemi dhënë paketën e dytë të pagës së luftës,”- tha Denaj.