Një shqiptar është djegur brenda makinës së tij pasditen e sotme pranë Vermicës në fshatin Vlashnjë të Prizrenit. Sipas mediave kosovare personi i djegur në makinë është mashkull rreth të 30-tave.
Ndërkohë zëdhënësi i Policisë së Prizrenit, Vesel Gashi, ka deklaruar se rasti është duke u hetuar si vdekje e dyshimtë.
“Bëhet fjalë për një veturë të djegur, Policia së bashku me Prokurorin e Shtetit është në vendin e ngjarjes dhe është duke u hetuar një rast si vdekje e dyshimtë. Për më shumë në lidhje me rastin do të njoftoheni me kohë”, ka deklaruar zëdhënësi i Policisë së Prizrenit.