Në një intervistë të dhënë këtë mbrëmje të së hënës në studion e “Opinion” në Tv Klan, kryetari i BDI Ali Ahmeti u shpreh se për herë të parë sheh një angazhim serioz të SHBA kundrejt Kosovës, por ai tha se rreziku nga lindja është serioz, duke iu referuar rrezikut Rus.
Ahmetaj tha se është një rrezik i sofistikuar, por shumë i organizuar.
Jeni pesimist apo optimist për një marrëveshje? Dhe si duhet të veprojnë liderët e Kosovës? Gjithmonë marrëveshjet kanë dilema të mëdha…
“Unë dua që Kosova të ketë një fund dhe ai fund të jetë i dobishëm për Kosovë. Të mbyllet një vrimë e zezë në rajonin e Ballkanit Perëndimor. Mbase situata është interesante, për herë të parë shoh një angazhim shumë serioz të SHBA, duke patur parasysh këtë seriozitet, tanimë gjithnjë e më tepër po më rritet bindja se rreziku nga Lindja është mjaft serioz”.
Rreziku nga Lindja, do të thotë rreziku rus, rreziku që kemi ne në përgjithësi në këto raste?
Në përgjithësi që kemi në këto raste. Jo pak aktivitete nga Lindja ka patur.
Edhe në Kosovë?
Në mënyrë shumë të sofistikuar, por shumë i organizuar.