Partia Socialiste duket se ka “ndezur motorët” dhe ka nisur mobilizimin e strukturave të saj për t’u përgatitur për zgjedhjet e ardhshme paralamentare.
Deputeti i PS për Qarkun e Vlorës Damian Gjiknuri ka publikuar disa foto nga mbledhja e strukturave të kësaj partie dhe shkruan se ato janë mobilizuar për përmbushjen e objektivave elektorale me synim marrjen e një mandati të tretë qeverisë për PS.
“Me Taulantin dhe Arbenin zhvilluam sot një takim me strukturat drejtuese të Partisë Socialiste në Qarkun e Vlorës.
Analizuam ecurinë e deritanishme të procesit të ristrukturimit, nevojën për tu përqëndruar gjithnjë e më tepër tek komunikimi dhe bashkëqeverisja me qytetarët.
Mobilizim i të gjitha strukturave partiake me synim përmbushjen e objektivave elektorale në zgjedhjet e ardhshme parlamentare ku Partia Socialiste do të marrë mbështetjen e qytetarëve për një mandat të tretë qeverisës”, shkruan Gjiknuri dhe ndan disa foto nga takimi.