Dy vëllezërit nga Kukësi, të cilët përdhunuan një 20-vjeçare me probleme mendore dhe fizike nga Kosova do të qëndrojnë në burg deri në përfundim të hetimeve.
Vendimi është dhënë nga Gjykata e Kukësit një ditë më parë, ndërsa burimet bëjnë me dije se gjatë seancën gjyqësore vëllezërit nuk kanë folur. Ngjarja ka ndodhur tre ditë më parë, ku të rinjtë kanë abuzuar me 20 vjeçaren.
Dy dite me parë, babai i 20-vjeçares që u përdhunua në Kukës, tregoi detaje për gjendjen e vajzës së tij. Për mediet ai është shprehur se vajza e tij është në gjendje jo të mirë dhe se pas abuzimit tentoi t’i vërë flakën vetes. Ai thekson se autori kryesor i ngjarjes së rëndë nuk është kapur.