Presidenti Hashim Thaçi dhe Kadri Veseli akuzohen për krime kundër njerëzimit dhe krime lufte.
Ditën e sotme (24 qershor) Zyra e Prokurorit të Specializuar (ZPS) u paraqiti Dhomave të Specializuara të Kosovës (DHSK) një aktakuzë me dhjetë pika për shqyrtim prej Gjykatës, njoftojnë media kosovare.
Sipas akuzës, Thaçi dhe Veseli janë të dyshuar për vrasjen, zhdukjen, torturën dhe përndjekjen e rreth 100 personave.
Sipas aktakuzës, viktimat janë të nënshtetësisë shqiptare, serbe dhe të komunitetit rom.
“Besohet se z. Thaçi dhe z. Veseli kanë ndërmarrë në fshehtësi një fushatë për shfuqizimin e ligjit që krijoi Gjykatën dhe ndryshe kanë penguar punën e Gjykatës në orvatje për t’i bishtnuar drejtësisë, Nëpërmjet këtyre veprimeve, z. Thaçi dhe z. Veseli kanë vënë interesat e tyre vetjake mbi viktimat e krimeve të tyre, sundimin e ligjit dhe popullin e Kosovës”, – thuhet në shkresë.