Zbardhen dëshmitë e dy mjekëve të arrestuar nga policia për moskallëzim krimi, pasi do të operonin në mënyrë të paligjshme autorin e dyshuar të vrasjes së dy biznesmenëve në Laç.
Policia arrestoi me akuzën e moskallëzimit të krimit dhe veprime që pengojnë zbulimin e së vërtetës, ortopedin nga Lezha, Viktor Marku, 42 vjeç, si dhe kirurgun e Spitalit Ushtarak, Besnik Lame, 46 vjeç.
Sipas Neës24, mjeku Viktor Marku ka deklaruar në polici se ishte i detyruar të vepronte menjëherë për të operuar Lamajn pasi rrezikonte jetën.
“Pacientin e gjeta në narkozë. Isha i detyruar të ndërhyja menjëherë. Pacienti rrezikonte të humbte jetën. Nëse më vdiste në duar mbaja përgjegjësi”.
Ndërsa mjeku Besnik Lame ka deklaruar: “Nuk jam i specializuar për të kryer ndërhyrje”.