Moderatorja dhe ish-banorja e Big Brother, Alba Çobaj u bë nënë për herë të parë vetëm para disa ditësh. Ajo solli në jetë një vajzë, të cilës i kanë vendosur emrin e bukur Sofia.
Së fundmi, Alba ka publikuar në profilin e saj të Instagramit një foto ku shihet pranë karrocës së vogëlushes. Me mbishkrimin që i ka lënë fotos në fjalë, moderatorja ka treguar për jetën si një nënë e re.
Ajo shkruan se nuk ka lumturi më të madhe se të bëhesh nënë. Madje qan disa herë në ditë nga emocionet kur sheh pranë të voglën e saj.
“Jeta e vërtetë e një mami të re ose e një mami në përgjithësi pa filtra. Në njërën dorë po haja dhe në tjetrën po shtyja karrocën. Se çfarë hëngra as nuk e mora vesh se tani harroj dhe të ha, por di t’ju them që nuk paska lumturi më të madhe në këtë Univers se të bëhesh nënë. Tani e kuptoj mamanë time sa shumë më paska dashur dhe se sa e madhe qënka dashuria që ndjen për engjëllin që ke krijuar e ke lindur. Ndërkohë që po e shkruaj këtë mu mbushën sytë me lot, siç më mbushen disa herë gjatë ditës (përveç hormoneve) dhe nga lumturia që e shoh pranë nesh Sofian. Një ditë qava nga emocioni duke i ndërruar pelenat, ndërsa herët e tjera se nuk më besohet që e kam bërë unë dhe them me vete:”Unë e bëra këtë?” Ju puthim shumë të gjitha mamave që na janë bashkuar në instagram dhe youtube (jeni pafuuuund dhe ju falenderoj) dhe na dhurojnë shumë dashuri. Ju pucim unë dhe Sofia”, ka shkruar Alba krahas fotos.