Sot në Bashkinë Tropojë, njësinë administrative Margegaj, në Valbonë, nën kujdesin e Bashkisë Tropojë dhe Këshillit të Qarkut u hap sezoni turistik veror 2020.
Në këtë eveniment morën pjesë kryetari i Bashkise Tropojë Rexh Byberaj, Prefekti i Qarkut Kukës Zenel Kuçana, Kryetari i Këshillit të Qarkut Abdulla Domi, Drejtori i Agjencisë për Mbështetjen e Vetëqeverisjes Vendore Bekim Murati, mjeshtri i madh regjisori dhe aktori Petrit Malaj, etj.
Pas hapjes së evenimentit nga kryetari i Bashkisë Tropojë, Prefekti i Qarkut i Kukësit Kuçana përshëndeti dhe vlerësoi zonën turistike Valbonë, gastronominë, kulturën dhe traditën në këtë zonë, si dhe në fund të përshëndetjes, ju uroi të gjithëve një sezon të mbarë turistik. Eventi vijoi me këngë e valle popullore të zonës, punime artizanale, piktura, gatime të zonës, etj.