Shtatë persona kanë humbur jetën në Etiopi si pasojë e protestave pas vrasjes së një muzikanti. Hachalu Hundessa u vra në kryeqytetin Addis Ababa. Ai njihej për këngët që sulmonin politikën dhe mbronin grupin etnik Oromo. Këngët e tij u bënë himn gjatë protestave që çuan në rrëzimin e ish-kryeministrit në 2018-n.
Këngëtari u sulmua të hënën ndërkohë që po i jepte makinës. Ai kishte deklaruar më herët që kishte marrë kërcënime për vdekjen. Megjithatë është ende e paqartë se kush fshihet pas atentatit ndaj këngëtarit. Mijëra fansa të tij iu drejtuan spitalit të qytetit ku mbahej trupi i këngëtarit. Për ta, ai ishte një zë i gjeneratës që protestoi kundër represionit të qeverisë.