Gjykata e New York-ut ka bllokuar përkohësisht botimin e disa rrëfimeve të mbesës së Donald Trump.
Mediat e huaja kanë raportuar se Mary Trump ka shkruar librin “Shumë më shumë dhe kurrë mjaftueshëm, si familja ime krijoi njeriun më të rrezikshëm të botës’, i cili ishte caktuar që të hidhej në treg më 28 korrik por që tashmë nuk do të jetë i disponueshëm për t’u lexuar nga njerëzit.
Mirëpo avokatët e Mary kanë reaguar duke thënë se ky vendim është i padrejtë dhe se për këtë çështje do ta apelojnë pasi ky libër sipas tyre adreson çështje të një shqetësimi dhe rëndësie të madhe publike rreth një presidenti në një vit elektoral dhe nuk duhet që të bllokohet qoftë edhe për një ditë të vetme.
“Urdhri i përkohshëm i gjykatës është vetëm për një kohë të caktuar, por prapë ngelet një bllokim paraprak për një fjalim politik thelbësor që dukshëm shkel Amendamentin e Parë. Ky libër adreson çështje të një shqetësimi dhe rëndësie të madhe publike rreth një presidenti në një vit elektoral dhe nuk duhet që të bllokohet qoftë edhe për një ditë të vetme.” tha avokati Ted Boutrous.