Parlamenti malazez miratoi një ligj që lejon martesën mes çifteve homoseksualë pa ju dhënë atyre të drejtën e adoptimit.
Ligji, i miratuar me 42 vota pro, nga 81 deputetë në Parlamentin malazez, ishte hedhur poshtë fillimisht më 1 gusht 2019, duke shkaktuar manifestime në Podgoricë të militantëve për të drejtat e personave LGBT.
Duke reaguar për miratimin e këtij ligji, komuniteti homoseksual në Malin e Zi përshëndeti “një faqe të re në historinë e lëvizjes LGBT” në republikën e vogël ballkanike.
“Një hap i madh drejt barazisë, por rruga drejt barazisë reale është ende para nesh (…) ne do të vazhdojmë luftën që të gjithë brenda shoqërisë të respektohen”, deklaroi Jovan Ulicevic, drejtor i shoqërisë ”Spektra”, që grupon personat transgjinorë.