Një shofer autobusi në jug të Francës ka mbetur në koma pasi u sulmua rëndë nga pasagjerët që refuzonin të mbanin maska fytyre.
Shoferi 50-vjeçar i qytetit të Bayonne refuzoi të lejonte në mjet disa pasagjerë, të cilët nuk kishin as bileta e as maska fytyre, por u sulmua ashpër prej tyre dhe pësoi goditje të rënda në kokë.
Pesë persona janë arrestuar për rastin e rëndë.
Burime të sindikatës së autobusëve thanë se shoferi kishte tentuar gjithashtu të ndalonte grupin e të rinjve të fusnin në autobus qenin e tyre.
Kryebashkiaku i Bayonne dënoi atë që quante “akt barbar”, ndërsa shërbimet e transportit kishin probleme sot në qytet pasi disa drejtues mjetesh refuzonin të punonin pas incidentit.