Bashkia e Durrësit ka shpërndarë një njoftim për të gjithë qytetarët, banesat ose objektet në pronësinë e të cilëve janë dëmtuar nga tërmeti i 26 nëntorit. Bashkia shkruan se ka filluar procesi i firmosjes së kontratave me të gjithë personat që përfitojnë nga granti për rikonstruksion DS1-DS2-DS3. Kujtojmë se tërmeti i 26 nëntorit dëmtoi një numër të konsiderueshëm objektesh dhe banesash, duke lënë shumë qytetarë në pritje.
“NJOFTIM I RËNDËSISHËM: Filloi procesi i firmosjes së kontratave me Bashkinë e Durrësit i të gjithë personave përfitues të grantit për rikonstruksion DS1-DS2-DS3. Të gjithë këta persona do të kontaktohen me telefon nga administratorët e njësive administrative respektive për të firmosur kontratën përkatëse në zyrat e këtyre njësive.“