Presidenti i Kosovës, Hashim Thaçi është nisur nga aeroporti i Rinasit për në Hagë ku ditën e nesërme pritet të përballet me akuzat e ngritura nga Gjykata Speciale me dyshimet se ka kryer krime lufte.
Pas dorëzimit të aktakuzës kundër tij, Thaçi nisi udhëtimin për në Hagë. Atje ai do të intervistohet të hënën si ish-drejtor politik i UÇK-së, dhe do të mbrohet nga avokati kroat, Luka Misetiq. Avokati Misetiq, që ka përvojë në mbrojtjen e pjesëtarëve të luftërave të Jugosllavisë, pritet të jetë avokat i presidentit Hashim Thaçi gjatë proceseve në Hagë.
Aktakuza nuk është konfirmuar akoma, ndërsa, sipas njoftimit të ZPK-së, Thaçi, që ishte drejtor politik i UÇK-së, akuzohet për krime lufte dhe krime kundër njerëzimit.